بسم الله الرحمن الرحيم
الظـلام اليـا تبـرى مـن مـدرات النهـار
يبتدي عمره ضرير وينتهي عمـره ضريـر
والعيون اليا عماهـا حقدهـا تبقـى صغـار
ماتهـادي مستواهـا غيـر للعقـل الصغيـر
والدروب اللي نهايـة وصلهـا ذاك المسـار
ماتساوت مـع طموحـات الفهيـم المستنيـر
من يميز في طريق الشـر حسـن الاختيـار
من صرخ في كل قلب مظلم بصوت النذيـر
من قدر ياخذ بحـق التايـه الضايـع قـرار
من دفع عمره لحب الناس لـو يبقـي فقيـر
من يقيد لكل فزعـه للنـدم همسـة شـرار
من يطفي بالقلـوب المدمنـة نـار السعيـر
من خلقنـا ماعهدنـا غيـر حـب الافتخـار
نملك الصبر الكبير ونعشق الـدرب العسيـر
همنا نرفـع بلدنـا مـع صفـوف الازدهـار
ونتذكر يوم كـان ترابهـا فـرش وحصيـر
وللاسف عشنا وشفنا حرب درب الانحـدار
حرب تشتيت القلوب وحرب تأنيب الضميـر
حرب اقسى من حروب النار وحروب الدمار
حرب ابشع من نزيف الدم وبالسيف الشطيـر
بالسموم اللـي تـروج بالكويـت بكـل دار
السموم اللـي تـردوا مـن سبايبهـا كثيـر
والشباب اللي تمـادوا فـي دروب الانتحـار
اصبحوا فيها رهينـة لعنـة السـم الحقيـر
يستغيثون بعمار النفس مـن نسـف العمـار
يرتجون وداع ظلما الليـل للصبـح المنيـر
صرخة المدمن تهيم وترتجي رفـع الستـار
رددت عند الهدف كلمة يصيـر أو مايصيـر
أشعلت بين الضلوع العوج بعد النـور نـار
وأدمعت كل العيون المشفقـة دمـع غزيـر
وامتلت كل الحناجر من صدى الصرخة مرار
وارتوت كل القلوب الضامية مـن زمهريـر
آفـة الإدمـان زادت وابتـدت بالانتـشـار
والوجوب إنا نحـدد فـي تلاحمنـا مصيـر
ناخذ اطراف القضية فـي عيـون الاعتبـار
ونرسم دروب النجاة وخطة الفـوز الكبيـر
ونرسم خطانا وتكفي دمعـة المدمـن شعـار
ويكفي إنا من ربوع المجد وأخـوان الاسيـر
إن نوينا ما بغينـا غيـر حـرب وانتصـار
وان ضمينا ما رضينا غير نروى من غديـر
إتحدنـا قلـب واحــد للهدب والاختـيـار
والفضل يرجع لربـي ثـم يرجـع للاميـر
وعلموا من يفقد احسـاس الامـل بالانتظـار
الهدف لازال حـي وتوهـا (الدنيـا بخيـر)
